جانه شباط .. هم جانه

ميسون نعيم الرومي
maiamaison@yahoo.com

2024 / 2 / 8

جانه شباط …هم جانه
يتبختر تراه …
امغير الوانه
من ذيچ السنه …
وامبدله قمصانه
جانه شباط … رد جانه
نذكر بالجره…
والرمح باجلانه
نص قرن المضه..
نحسب ابقتلانه
يا ضيم …اوقهر
والروح حزنانه
چا يمته الفرج…او نفرح ابدنيانه
****
جانه شباط … شو جانه
املگط تراه..
امنين چا جانه؟
ايده ابجيبته…
والخرج بحزامه
ايعبي بالذهب…
والعين جوعانه
امطول لحيته…
والدين عنوانه
شو قتل اوخطف..
تهجير اوذبح
او من قال اوبله…
وامطشره ادمانه
چا يمته الخلاص…او نفرح ابدنيانه
******
جانه شباط … رد جانه
امحزم ع الخراب…
امكشر اسنانه
خادم للغُرُب…
ع الشعب طغيانه
شوكلشي خرب! ..
لا زرع البقه لا ماي
لاخدمات والصحه عدمانه
ماعنده خجل..
وايلملم الجيرانهجانه شباط .. هم جانه
يا ويلي الوطن…
مبتلي .. بـَـلوانه
چا يمته النفاهه .. اونفرح ابدنيانه
يمته….. ؟
جانه شباط .. هم.. جانه
إجانه...
……………………….
8 / شباط / 2024
ســــــتوكهولم



https://www.ssrcaw.org
Centre of Laic Studies and Research in the Arab World