هله هله بالرئيس

ميسون نعيم الرومي
maiamaison@yahoo.com

2022 / 10 / 28

صفگه هلاهل للعريس
أدي التحـيه للرئيس
اشبعنه قيمه اوهريس
والغدوه باچه اوحميس
غـَـنو صفگو للرئيس - هله هله بالخميس
هله هله بالســياده
يمشي بامر القياده
-(الخمط) صاير عباده
والشعب حصته اباده
يشبع اوياكل كبيسس
يالله نشدوا للرئيس - هله هله بالخميس
هله هله يا سلام
نـِثـْرد اسنين اوكلام
هـَـفـّـوْ عيني للنيام
نسينه نمشي للأمام
ندري : ماكو انسجام
فدوه فدوه للرئيس - هله هله بالخميس
هله هله بالجهامه
امن السمه جتله علامه
بوسبحه وابو اعمامه
تسفيط وامسفط كلامه
ياشعب تـبـقـَه تعيس
هله هله بالخميس - هله هله بالرئيس
-----------------------------------------
28/تشرين/2022
ســـــــــــــــــــتوكهولم



https://www.ssrcaw.org
Centre of Laic Studies and Research in the Arab World