شاكر السماوي يغني عيده السبعين

رسمية محيبس

2012 / 6 / 8

شاكر السماوي يغني عيده السبعين
رسايل الى 21|4|2005شاكر السماوي في عيد ميلاده السبعين يقول هذه هديتي الى نفسي بمناسبة الذكرى السبعين لحلولي ضيفا على هذا العالم ضيفا ما استطاع يقينا ان يرحب بنفسه حين قدومه ولكنه يستطيع ان يقول له وداعا حين تحل المغادرة
شاكر السماوي عرفناه صغارا ورددنا قصائده المجنون والحسين وغيرها له بصمة خاصة في القصيدة الشعبية العراقية قصيدته تختلف عن غيرها ورغم الغياب الطويل الأمد عن الوطن لكن الشاعر شاكر السماوي لم تنسه الغربة انه شاعر احدث تغييرا في تفاصيل القصيدة الشعبية وظل مخلصا لمشروعه الكبير اصدر ابو مخلص الكثير من المجاميع الشعرية والمسرحية وكتب في كل مجالات الابداع ورغم اني لم أتشرف بالتعرف شخصيا بهذا الشاعر الفذ أو ألتقي به لكن كان وما زال يرسل لي اصداراته القيمة حفاظا على الود القديم مع صديقه وابن مدينته الشاعر كزار حنتوش فألف تحية من القلب لهذا الصرح الوطني الحاضر رغم غيابه والذي لم يقطع جذوره بوطنه فما زال الحنين يقول شاعر السماوي ليكتب عن العراق والسماوة وعن شقيقته بتول وأسرته في الديوانية والحقيقة لقد غمرني هذا الشاعر والمناضل بوفاءه ولطفه وهو يزودني بهذه الثروة الهائلة من عصارة روحه وذهنه المتوقد الى لهذه الأسرة لتي قدمت الكثير من المبدعين الفذاذ ومنهم شقيقه الراحل الشاعر عزيز السماوي والشاعر
تحية كبيرة الى صاحب نعم أنا يساري الذي يحتويعلى اضخم رصيد شعبي من لقصائد
الى صاحب الراعي والأميرة حيث يقول
عمتي جانت تسولف
وآنه رحت وياها بأحلامي الزغيرة
راعي جان محمد اسمه
عشكته عيون الأميرة
وجانت الشباج بعيونه وضميره
وعمتي ظلت تسولف
وآنه رحت الشيلي باحلامي الزغيره
وهذه قصائد الشاعر الكبير شاكر السواوي في عيد ميلاده السبعين اطال الله عمره ليبق شجرة ابداع دائمة العطاء
رسايل
يل واحد وعشرين يل هليت هذا اليوم
أهلا بيك وبنيسان هذا الجاب لي السبعين
تراني بجيتك هاي
رحت اتلفت وياي
ابظلي اللي لكيته بيك مدني بيك
مدني وما دريت ولا درى جاليش مدني بيك
وآني بعيدك الفرحان بيّ وبيه
يمكني اهجست فرحان
لكيت الكون بيتي البيه
لكيت شموع تضويني
ولكيت ضلوع تحميني
او لكيت ادموع بالفرحة اللي بيها وياي تبجيني
وانه ظليت بيني وبين هذا الكل
ادوّر عني آني ويني ؟
رسالة 2
يكلبي الما اظنك بالاصل طين
مشيت وياي للسبعين
نبض يرفد نبض
وحلم يمتد حلم
تدولبنة اعلى مد الحين والحين
بين الشوف والخوف
وبين الكاس والناس
وبين الحيل والويل
لحد شح النقس وتهتكت بيك الشرايين
يهون الراح يا كلبي
ويهون الجاي
ما دامك سليم الذات
لالفكرة التضويك
وترد من تنتهي توديك
ولغاية جديدة أبعد تودّيك
رسالة 3
خسرت هواية يا شاكر
لجن هاليوم افرح بيك
وآنه أفرح الك وياك
ومن كلبي أهنّيك
على كل الخساير ذيج
يلن بيها اكسبت روحك
واكسبت اكدرت وحدك تظل بيك
شاكر ينتخي بيك
للخير وللشهامة
ولحب الغير نبراسك علامة
خسرت الغدروا الاوطان
والخانوا شرعة الانسان
واربحت الوطن وجدان
وخليته الك عنوان
خسرت النافق ودجل
وربحت الضمير البيك يتأصل
خسرت البدن بين جروح وجروح
وربحت العافية اللي تنفرش بالروح



https://www.ssrcaw.org
Centre of Laic Studies and Research in the Arab World