 |
غلق | | مركز الدراسات والابحاث العلمانية في العالم العربي | |
 |
خيارات وادوات |
|
|
غلق | | مركز الدراسات والابحاث العلمانية في العالم العربي | |
|
خيارات وادوات |
ميسون نعيم الرومي
2026 / 1 / 24
بسك بعد يازمن
بسك تلاوينه
كافي حزن كافي مرض
كافي ترك بينه
لا حيل البقه يا زمن
لا صحه ظلت بينه
بسك بعد متعبت ؟
تفتر اشبيك اعلينه
صرنه حطب بيد المحن
والحزن يطحن بينه
اشوية نفاهه يا زمن
كافي تلاوينه
الروح تعبهه الوجع
والگلب بي مية جرح
والدنيه ضاگت بينه
لانفع بيك الصبر
لا شكوه ليك اسمعت
لا عتب فاد اوتبت
لا گلبك الحن اوعفت
كافي بعد تاذينه
اشجبنه واشودينه
والبخت چا وينه
وينه
بسك بعد يا حزن
تتسله كافي بينه
تسمع الآهات وتنتشي
واتكوم اهموم اعلينه
لا حيل البقه يا حزن
لا عقل ضل بينه
ادخيل بختك ياخزن
كافي بعد تاذينه
ادخيل بختك يازمن
كافي ترك بينه
كافي
--------------------------
كانون الثاني / 2026
سستوكهولم
إضافة إلى المفضلة
