حدث في الكوت

فاجعة الكوت

صرخت فجاء الفزع
قالت : أرجعو ماكو شي! ابو الوِلِد وگع من فوگ السطح و
مات

ماكو شي .. اشچم عايله احترگو بالمول.. وراح ناخذ فصل عشائري و( أصحاب) المول الله اموفقهم من خيرات العوراق!

يدفعون بلا وجع قلب !
..
الفواتح راح تتبناها الدوله الله ايوفقها وايديمها !!
نعدكم ببناء المزيد من المولات والفنادق والمطاعم
و
نستورد لكم نِعِلْ وقنادر ومعجون طماطه واخيار
و موطا
حتى الماي لا اتهمون بيه
انعل ابو تركيا وايران
نستورد ماي آرو من جارتنا العزيزه الكويت
و حليب وروبه من ارض الحرمين ( ماي زمزم)

نعدكم بان نمنع
تشييد اي معمل إنتاجي في العوراق..ونهدم ما بقي منها بناء على ما خطط له المحتل ونفذه النشامى..
ما حدث لا يعدو كونه ( مكتوب على الگصّه ) وقضاء وقدر ، و سوف يسجل ضد مجهول

رحم الله من يقرأ سورة الفاتحه..ليس على ارواح الضحايا فقط
بل على العوراق..!