 |
غلق | | مركز الدراسات والابحاث العلمانية في العالم العربي | |
 |
خيارات وادوات |
|
|
غلق | | مركز الدراسات والابحاث العلمانية في العالم العربي | |
|
خيارات وادوات |
ميسون نعيم الرومي
2025 / 2 / 16
هم رد اجانه شباط
هم جانه !
افلوس العراق ابجيبـه
او إيران عنوانه
***
-(محبس) ابإيده لمع
الماس اوعقيق اوشذر
وامعدده الوانه
***
عدهم حلو بوك او نهب
والجنطه مليانه
واعمامه لابسهه صفح
والجيبه طولانه
***
اللحيه عيني امقلمه
واخدوده محفوفه ابعرف
وامتفحه رمانه
وامبيض اسنانه
***
الكحله لبعينه غوه
وافلوسه لكليبه دوه
مولات واطيان اشكثر
اوخشخشة الذهب الحانه
***
آلوف تلطم لطم
وامطينه باطيانه
والناس كلهه امسنحه
من اللطم تعبانه
***
المرأه بت سومر أكد
حيف اصبحت ...دوهانه
هانوهه حيف اورضت
واتكبعت ...خجلانه
***
لفت شعرهه (ابشت)-
عوره اصبحت فرحانه
ياخذ عليهه اربعه
بالماص او ذهب...
دفيانه
***
عم الفكرشاع الجهل
ماكو شغل ماكو عمل
انباع العراق ابعرف
واتشردت شبانه
***
أميه او تخلف جهل
مركبنه تاه او غرك
والمشكله السفانه
واتسيدت كهانه
***
بلوه ابتلينه يا وطن
دارت علينه المحن
-(ات...ف...و) على هيجي وعد
بالمزبله خلانه
-----------------------------------
16 / شباط / 2025
الســــــــــــــويد
إضافة إلى المفضلة
