 |
غلق | | مركز الدراسات والابحاث العلمانية في العالم العربي | |
 |
خيارات وادوات |
|
|
غلق | | مركز الدراسات والابحاث العلمانية في العالم العربي | |
|
خيارات وادوات |
ميسون نعيم الرومي
2024 / 9 / 30
دنيه الدارت بيهه اندور
ذاك اليوم ... ابدار او دور
نمشي او نمشي..
ننسه .. كلشي
نفرح نحزن
نرضه اونزعل
نقره اونسهر
ردنه انعلي اونبني سور
***
يخمط ينهب...
لنه ايخمس
يذبح وايقدم النذور
حتى النذر…
الربعه ايقدمه
ايمصمص و(ايفاخذ)...
-(مسرور)-
ضامن آخرته .. او بالحور
دنيه الدارت تبقه اتدور
لبنينه ... اولا عمرنه….
او طاح السور
***
قدر (امزحلگ) ...
ما يتعب ليمل
يلعب بينه (بلبل حاح)-
اشبعه ضيم اشبعه (احروب)-
افرحنه اوگلنه الظالم طاح
دارت دنيانه...
او حيل اتدور
اشبعنه ذل اشبعنه جور
نمشي اونتعثر واندور
لاظل حايط لاظل سور
للضيم او چنك منذور
منذور
------------------------------------------------
تشرين الأول / 2024
ســــــــــــــتوكهولم
إضافة إلى المفضلة
