أصحاب المعنى ... إلى الفنان سعيد المغربي

ـــــ أصحاب المعنى ....
ـــــــــــــــــــــــــــــــــــــــــــــــ إلى الفنان سعيد المغربي ...مع متمنياتنا له بالشفاء العاجل




ريح من بلادي هبات
جابت شدو الطير
ونسيم النخلة ..
بغيت غنايا يبات
تحت جناح الأطلس
يلالي بالأفراح
ومن عشق ترابو يتبلى ..
مازال نغني للوردة
والبسمة
مازال نلم للعاشقين
شتات الكلمة ..
شحال بيني وبينكم من نغمة
ياك الهم شلة ..
ياك لكلام كثير
والمعنى قلة ..
واحنا هما احنا
ف وضوح الشمس نمشيوا
مانتخلاوا
ولا المعنى عنا يتخلى ..



ــــ زجل : محمد نور الدين بن خديجة
21ـــ 8 ـــ 2024 مراكش المغرب .