رمْشـَـه يكـَحـّـل بالكحل

ميسون نعيم الرومي
2024 / 8 / 3

شـَـعـْرَه محابس من ذهب
تــتعـثر ابوصفه جمل
خصلات بيه امن الشمس
دارت على بـَـدْر اكـتمل
معگوده لحواجب عگـد
واعـيونه تـرمي نـبـَـل
نجمات بخدوده ضوت
والورد من شافه خجل
***
غـَـنـَّـت بلابل غردت
حسنه قوافي اوهم جمل
بسـوالفه يحچي الگـمر
وجهه الربـيـع البيه امَـل
مغرور من يمشي دلع
ماخذ حلاته امن العسل
عـيونه بـَحـَـر ما ينحزر
رمْشـَـه يكـَحـّـل بالكحل
بشفافه گنطار او رطب
چا بس اله يحله الغـزل
كـل الشعـِـر لايگ اله
حـر اوقـَـريض اويازجـل
***
ع الشفه تقره اروايته
العمر بچفـوفه ذبـل
احچاياته ضيعها الهوه
والدمع بالذكرى همل
عيون المها عيون الولف
والليل.. شعره اعله الچتف
يتمايل اويمشي ابغنچ
شوصف..أبد ما ينوصف
جيت اسـأله فـَـز اونفـَـر
بسكوت يخزرني اورحل
آنه اگربت ردت اسـأله
هذا دلال البيه..لو طبعه الخجل؟
------------------------------------
ســـــــــــــــــــتوكهولم
آب / 2024

في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن