يا جيشنه الغالي

ميسون نعيم الرومي
2024 / 1 / 6

ياسور الوطن ياجيشنه الغالي
تنهض تنتفض واتعيد امجادك
تطرد بالدخيل اوتحبس المحتال
تسكت ؟ والسكته مو عاداتك
***
اسمع للوطن ينخاك واينادي
راحت هيبته يترجه صولاتك
يا جيش البطل والدنيه تشهدلك
يا هيبة وطن يا فخر احفادك
***
احروب امعدده !وانوب جـَـوْعونه
باعونه ابرخص ننتظر وگفاتك
صرنه مكفخة للغربه والجارات
ذبحو اخوتك وانباعن اخواتك
***
ايد ابايد شرطه! الشعب ويه الجيش
نكنس كل دخيل اوتاخذ ابثاراتك
يا جيش البطل والعين تربي ليك
حـَـل بينه الخراب انريد جولاتك
***
فاليحيى العراق ابشعبه وابجيشه
يالخالد تظل بافرادك او قواتك
ياسور الوطن ياجيشنه الغالي
تنهض تنتفض واتعيد امجادك
-------------------------------------
6 / كانون الثاني / 2024
ســــــــــــــــــــــــوكهولم

حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت