ليش ؟

ميسون نعيم الرومي
2023 / 11 / 20

انهجمت ( غـزَّة ) اوچا ليش ؟
اتراب الصارت ..
مامش عـيـش
مدري انـباعـت ..
مدري .. بـيش
مدري خيانه !
اوصعبه العيش
مدري تهور..
مدري .. طيش
انهجمت ( غزَّة ) اوچا ليش ؟
***
انمردت (غـزَّه) ..
اشتعلت نار
ماتـت آلاف ..
ازغار اكبار
خوف اوجوع ..
اوطاح الدار
شعب المنكوب ..
ابأمره حار
وين الحل ابهذا الصار ؟
كلهه اتخلت .. چا ليش ؟
***
انهجمت غزه او چا ليش ..
والكل بيهه اتعر واتجر
ربدوچ ابعرفه ..
ضگـتي المر
ابحالچ.. محد !
شنهي .. السر ؟
اوليداتچ ماتـت ..
كلهه اتصر
ياهـو اينصفچ ..
وينه الحر ؟
روحي اوياچ ..
اوگـلبي .. انـطر
ليش اوليش اوچا ليش ؟
الكل تسأل .. چا .. ليش ؟
شنهي الحصلت .. چا .. ليش ؟
انهجمت ( غزَّة ) اوچا ليش ؟
ليش ؟
-----------------------------------------
نوفمبر / 2023
ســــــــــــــــــتوكهولم

حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت