العشــگ طبعـَه كـلف

ميسون نعيم الرومي
2023 / 5 / 19

مشتاگه روحي اوترف – عاشگ امضيع ولف
عشگ البلابل للتمر – والعشگ صعبه .. كلف
للنورس اوجرف النهر – للناي محله العزف
لخيوط الشمس وي الفجر – والشوگ يوجع صلف
مشتاگه روحي اوترف
غرگان تيهله جرف
***
الروح عطشانه تحن – البستان الورد للنخله
وابشعري مظفورالسعف – التز والوذ ابظله
يايادجله يالمايك دوه – لچفوفي حنه الدهله
امشي والوبح وانتظر- والگلب ما يوم اوسله
عاشگ اوضيع هله
عاشگ وابدا ما سله
***
اضحك واسولف غصب – والگلب بي غصه
راح العمر مر الوكت – قصتنه صارت قصه
ثروات كلهه اتقسمت – كلمن اله حصه
كلشي خرب شفنه العجب – لو تحچي لازم رخصه
دستور حسب الطلب
لعبو لعب .. وابنصه
***
مشتاگكه روحي اوترف
والعشگ طبعه كلف
آخ الزمان اشگد صلف
اشگد صلف
---------------------------------------------------------
آيار / 2023
ســـــــــــــــــــــتوكهولم

حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت