مين هذول ؟؟

نظر الحفيد الى جده الذي كان يشتم قبل ان يبصق بقوة على الشاشة وهو يتابع نشرة الاخبار من خلال دخان سيجارته الكثيف ...
سأل الحفيد جده عن هؤلاء الذين يصافحون بعضهم بحرارة ...
- مين هذول يا جدو ؟
قال الجد وهو يلف سيجارة جديدة :
هذول وفد صهاينة يهود مع وفود سلطة فلسطينية وعرب .. مجتمعين ..
الحفيد : - وليش انت زعلان يا جدو ؟ هذول زعلوك ؟
الجد : - لا يا حبيبي .. فشروا هالزعران .. انا مش زعلان .. انا قرفان ..
الحفيد : طيب مين فيهم الصهاينه ؟
الجد : - ما تتعبش حالك يا جدو .. صعب تميز بيناتهم .. كلهم مثل بعض !
صمت الحفيد قليلا وهو يشاهد على الشاشة جنديا يطلق النار على متظاهرين في نابلس .. ثم سأل جده بكل براءة .. :
- من وين بيجيبو البواريد يا جدو ؟ بدي بارودة ...
بقوة وحنان ضم الجد حفيده وقال :
- بكرا بتكبر يا حبيبي وبتعرف لحالك .. ما تقلقش يا جدو .. ما تقلقش ....