غضب الطبيعة

ميسون نعيم الرومي
2023 / 2 / 10

احتجت ارضنه اليوم علنت غضبهه
والسـبب بالإنسـان ناكـر فضلهه
***
ينكر فضلهه ايريد يتعده ع الكون
ايغير ابكيفه اشلون ! والفلك موزون
***
صحـِّـرَوا ارض الله لعـّـبوا بالأنهار
قانون الطبيعه اختل هذا الـِذي صار
***
نصبوا اهوايه اسدود ما تحمل الگاع
احتجت اوگالت بس ! وابلحظه وابساع
***
عـَطـِشـَـوْ بالگيعان نشـْـفـَـوْ بالاهوار
غـَـيـْـروْ نظام الكون هذا الجره صار
***
هاي الطبيعه دوم تحمي نفسهه
واحنه عليه اضيوف انخرب ارضهه
***
بالفقره طاحت حيف ! واهتزت الگاع
انربدت ربد هالناس ! والگلب ملتاع
-------------------------------------
7 / شباط / 2023
ســـــــــــــتوكهولم

حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت