العوراق وعوج بن عناق!!!

هسا خلصت قرائة كل ما كتب حول الصواريخ الايرانيه والطيارات التركيه وعركات واسلابة الخوشيه والهتليه ، و شعيط ومعيط وجرار الخيط ( مع احترامي للجميع واراؤهم ) لكني لا زلت امسك بفانوسي وأبحث وأسئل : يمعودين العراق وين ؟؟!!!
هو عدنا حكومه يحترمها فرد واحد في الكون ؛ لو يشتريها ابزبانه هي ومن فيها وبكل مكوناتها ؟؛ وما أريد اگولن دوله ؟! …
احنا شطار فقط بالتحليلات والتساؤل ..!

اللي سامع بشخصية تاريخية عاصر النبي نوح اسمه ( عوَي بن اعناگ) ! الاسطوره اتگول كان عوي طويل جدا وراسه ايطگ بالسما ..! تمرض وصار طريح الگاع … گامت الچلاب تاكل ابرجليه البعيدات عنه كلش !! گام عوَي ينشد الطروش والمارين عن رجليه ويگول : امعودين ! احسّن اتنغمش اوعض بصابع ريليّه ؟! ما شفتوهم ابدربكم اشبيهن ؟؟!

هذا هو حال العراق !!!!
والسلام عليكم ( جَمعَنْ)