قصيدتان - من ديوان راهنت عليك

اشرف عتريس
2022 / 2 / 22

(1)
الدنيا فى قلبى منحوتة من فضة بلون الضى
الدنيا فى قلبى فاكهة طايبة بريحة الجنة
الدنيا فى قلبى ثورة وبنت بنوت وحزمة فُل
الدنيا نكتة وقصيدة خضرة لسه نصها نىّ
الدنيا فى قلبى انتى لو تعلمين علم اليقين
ياغزاله بترمح وتجرجر فرحتى وتذيع السر
انى مهما غمضت عينى قلبى بيراقبك
وزحف السنين جىّ !!

(2)

كل ده ماراحش أنساه
طريق ياكل نص الخطوة منّى
قمر مخنوق يحرق نجمى ويهدد
بليل يطلق كلابه على راسي
ونهار يراهن على قتلى كل يوم
يسرق صوتى فى الشارع
ويعرينى قدام الناس يسحب شهوتى
يحاصرنى بالبكا ويسمينى ( المنفى )
هاختارها بمزاجى كأنها ندر
فاكر كل جرح ومش هنساه

**

حوار مع المفكر اليساري عدنان الصباح حول دور واوضاع اليسار في المنطقة العربية عموما وفلسطين بشكل خاص
د. اشراقة مصطفى حامد الكاتبة والناشطة السودانية في حوار حول المراة في المهجر والاوضاع في السودان