يامن يبعص الثور!!

ايگولون اهلنا : الدنيا محموله على گرن ثور ..!!!

ذيچ السنه ( والرحمة والخلود لروح شمران الياسري )

صار فيضان في العراق وشمل حتى الرمادي ! چان اكو شايب ساكن حدر سگيفة بواري .. الشايب من عشيرة اعبيد والمعروفين بخنّة من يحچون! لأنهم ايگولون اعبيد عالين بين الطوايف وعلوهم عن الله شبر !! لذلك يحچون تكبرا من اخشومهم ..
هبت عيايه اوطيرت سگف كوخ الشايب ..! التفت للسما بكل برود وگال وهو ايأشر للسما ايحاچي الله ويفرد اصبعه الوسطاني : مالك فخر بيها !! الفخر لَليبعص الثور !!!

يا هلربع ؛ يامن يبعص الثور والله ملينا ..!