زجلية الحفيان ....زجل مغربي

محمد نور الدين بن خديجة
2020 / 11 / 30

ـــــ زجلية الحفيان ..
ــــــــــــــــــــــــــــــــــــــــــــــــ



ف بحر اللمة
مالمتني فراح لحزان
آش لي تمة
ف شطوط موج سكران
دخلت للكلمة مكسي
وخرجت منها عريان
وهانا ف جراحي منسي
ولجراحهم نبات سهران
شحال ياموج تتلاطم
ثاير ضايع حيران
وشحال يا أمل تتشاءم
وتتخبل فيك الطرقان
لله يابحر الظلمة
شحال شربتك كيسان
وعليك ياموج الكلمة
نكون لسفينتك ربان
تجمعي شمل كل غريب
من كل حفيان وعريان
كوني للمهموم طبيب
توصلي لبر الأمان



ــــ زجل : محمد نور الدين بن خديجة
29 نونبر 2020 المغرب