قصيدة ثاية

ماجد أمين
2020 / 8 / 12

((انا سومري بطبعي وسحنتي.. وحين تدلهم الخطوب احيانا اشعر بطعم حين اكتب باللغة المسمارية.. رغم اني لا اكتب في الشعر الشعبي.الا قليلا . لكن سومريتي تغلب قلمي فابوح بلغة اجدادي.. لذلك كتبت بالمسمارية..))
الثاية..
#ماجدأمين_العراقي

منو حسه  .. علَى حسك  ؟
لو صحت حيهم يفَزع الروح..
منو جفنه اليذب كحله ..؟
على آخك لو تفز جروح..
منو  اليشيگ بگايه رويحته
ويه رويحتك حد اللوح
وطن انت وطن.. تانيناك لضحكات الاطفال تصير مرجوحه
وطن بس لليشل جروح مو لمشرع البيبان لياهو جان مفتوحه
وطن من يشتهي بس يشتهي الحلوات
وعيون التحرسه مايجسها الخوف مشبوحه
يمته ؟ يطر فجرنا يوشّل هموم الليل..
وبصحوة سمانه يطوف نجم سهيل..
فاح الهيل وتفرهد عطر بس مايشح الهيل..
فرح رايد ابد مايوم ثوب الحزن ذبيته
حزنك گمطاني گماط طفل مهظوم بجيته
هلبت طشت الجكليت مو للجار بلكي بحظني طشيته....
بمته الفرح يا ها الناس نجوم وغرگاها الغيم..
هموم ورافگتنه سنين..وعمر خلصان بس بالضيم..
يمته معثرات البين بعد مايلفن الگاعي..
روجاتك يدجلة مهدلات لشوفة لشراعي..
زغيرة احلامنه بالطيف
ومن إتفز تصير بحضرتك ثورة..
اسود وما تهمنه خطوط لاصفره ولاحمره
انته ولاشريك وياك حبيناك بالفطرة..
باجر ترجع المهيوب بارادة ولدك الحره
وللبوح تتمة..
12/اب/202‪






.













 


























ّ

طارق حجي مفكر علماني تنويري في حوار حول الحداثة والاسلام السياسي والتنمية وحقوق المرأة في بلداننا
رشيد اسماعيل الناشط العمالي والشيوعي في حوار حول تجربة الحزب الشيوعي العراقي - القيادة المركزية