الياكل لگمه...ايگدرهه

ميسون نعيم الرومي
2024 / 10 / 17

اذيولچ لمي ...
او هيدي
يا طهران
رِجـْـلچ خضره ...
ع البلدان
-(بغداد) او (سورِيـَّـه)-
-(غزه ) .. اليمن
او (لبنان)-
ربع الله ... او جيرانه
او جيران الجيران
ادخيلك يا رب
الأكوان
جوع او مرض
احروب او .. موت...
اشكال ..
الوان
جهل او تخلف
رعب او خوف...
او حرمان
كرَّهتي الناس
اوشـَـوهـتي ...
الأديان
ابيوت اتهدمت ...
نـاس اتشردَت
دم ... امطشر...
بالگيعان
اطفال او شباب
شــيب او...
نسوان
الياكل لگمه...ايگدرهه
او لـَـيغامر بالشعب...
او يطلع ...
خيبان
فختي؟؟؟ لو بعدچ ؟
يا ... إيـران
إيـران
--------------------------------------
17 / تشرين الأول / 2024
الســـــــــــــــــــــــويد

حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجر
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي