*قلوب خضره

طارق سعيد أحمد
2018 / 12 / 6

ما بين الشمس والميه
كلام
وبين الخوف والشجر الناشف
كلام
وبين الروح وعيني
كلام

حواديت
عايشين ثوانيها.. كدا!
واقعين في بؤر
جسده
لازم يكون محدود
ويادوب
بنسد الحُفر

يا منتهى الكُهن
ولع
في لحم الكلام


بخاف
عليه مني
الدود بينهش
مني
نحت الجبل
مني
ملامحي.. خريطة كون
ولسه بخاف
مش م الكلاب ــ زي زمان ــ
لاء
من صوتهم.. الملعون


مقطوفة القلوب الخضر
بنحلم ليه؟
أنا وإنت بــ "فاجنر"
وهو بيوزع .. رغيف سُخن
وبيدهن الميادين
عسل.




*اهداء إلى
عمار علي حسن