الى متنورينا الذين يهاجموا الأديان.

حسين الجوهرى
2018 / 10 / 11

الى متنورينا الذين يهاجموا الأديان.
حسين الجوهرى.
---------------------------------
ممكن تخليكو فى اللى تعرفوه؟ كوارث فى كل نواحى حياتنا بسبب الهباب اللى فى ادمغة الناس. والهباب ده فيه ناس مسمياه دين (وهوه فى حقيقته مش دين بتاتا). تقوم حضرتك وبسلامتك طالع بعد ماحكمت عقلك واستعدته وتخلصت من الهباب طالع تقول للناس "الأديان كلها وحشه ومضره". طب انت أيش عرفك وبأمارة أيه؟ درست؟ والا همه ياترى الكام فيلم اللى شلفطولك دماغك؟ والا هيه مجرد فتاكه وتفانين أخوك؟
فأرجوك,اعطى لنفسك الفرصه وأعطيهالنا احنا كمان وخللينى أشرحلك قى تلاتتسطر مدى الضرر اللى حضرتك بتحدثه على مشروع انقاذ أهالينا وناسنا, الهدف اللى انت شخصيا بتؤيده.
.
بلسان الشيخ أحمد الطيب مخاطبا الجماهير اللى توّهم قاريين كلام حضرتك عن الاديان:
.
" لا تستمعوا الى هؤلاء الملحدين. مااليهود ماشيين كويس والمسبحيين وحتى اصحاب الديانات الوضعيه, بوذيه وهندوسبه. عارفين ليه؟ لأنهم "ملتزمين" بتعاليم ديانتهم. يبقى ده دليل صارخ ان مشكلة مجتمعاتنا مش الدين لكنه "عدم الألنزام" به. أذن أفكل ماعلينا اننا نلتتزم بأحكام ديننا اللى العالم كله يشهد بعظمته".
.
وهكذا يا سيادة اللى واخد الموضوع تسليه وتهريج حضرتك لبستنا خازوق ممكن يطلع من نافوخنا. أنما لو ركزنا هجومنا على الهباب بتقديم الأدله والبراهين المستحدثه واللى توصلنا اليها حتلاقى الشيخ الطيب بيشتم ويهدد لأن ضهره بقى لازق فى الحيطه.