ياهو اليطفي النار

عبد صبري ابو ربيع
2018 / 7 / 23

لو اني لو أنتِ
ياهو اليطفي النار
لو اني لو أنتِ
يالجايبين الاخبار
من الحلوه شفته
لا ليلي ليل
ولا يومي نمته
منك گليبي أحتار
والونه سكته
وهذا الورد صار
وأني الزرعته
يمه الزمن غدار
لو ولفي من عفته
لو اني لو أنتِ
ياهو اليطفي النار
يالضحكتك من نار
گليبي چويته
لأزرع طريق العشگ أزهار
ورد وشتلته
ألمن اعاتب يجمار
بس أنت أنت
چنهم الي زوار
وبالباب حسبته
يا هلي ويهل الدار
تره بعيوني ضميته
يل أنت بالكرخ ألك دار
كثر السفر مليته
أسمه والنده ازهار
يومن بروحي ناديته