الفلوس لما بتكون مسمومه

حسين الجوهرى
2016 / 11 / 11

الفلوس لما تكون مسمومه.
------------------------
اللى العالم "كله" مش عارفه والبعض فقط"حاسس" بيه هو الآتى. طبعا الفلوس هى الوقود الأساسى لكل نشاطات الانسان وبالذات فى مجال السياسه. لكنها "حتى وقتنا المعاصر" كانت دايما فلوس طبيعيه يعنى فلوس ناس تعبانه فيها. لكن مؤخرا ظهرت فلوس (لم يرى أحد غزارتها أحد من قبل) وف أيد ناس ماتعبوش دقيقه واحده فى جمعها. فبالضروره يصير الشغل الشاغل لهؤلاء الناس هو الحفاظ على استمرارهم فى التحكم فى هذا "المنجم". وعينك ماتشوف الا النور. لااخلاق ولا مبادىء وبيخترقوا بهذه الفلوس "المسمومه" الابواب الفولاذيه. فاللى حصل فى أمريكا هو أن أوباما وهيلارى والأعلام اتشروا (نفس الشىء فى أوروبا). فالأمريكان فاقوا. مثلا. ايه حكاية العداء الغريب ده مع روسيا؟ فى الوقت اللى مفيش مصلحه واحده ذات قيمه للأمريكان روسيا بتهددهم فيها. واضح ان الحاجه الوحيده اللى روسيا واقفه لها بالمرصاد هى القوى الاسلاميه واللى نازله تبويظ للعالم شرق وغرب. كده نفهم ان دى مصلحة اصحاب الفلوس المسمومه أياها واللى اوباما وهيلارى مأجورين لخدمتها والحفاظ عليها. الفلوس المسمومه دى ياأخوانا فى كل مكان. لو أى مصرى بص من شباك بيته (بعد ما يوعى بهذه الحقيقه) حيشوف هذه الفلوس وآثارها بوضوح وحيسمعها بودنه فى ميكروفون.