قصيدة رثاء للشاعر احمد فؤاد نجم : - نجم مات - اليوم حتة نقصت منك يابهية

احمد قرة
2013 / 12 / 4

يابهية حتة منك
راحت لربك اليوم
هدية
عم "نجم " حبيبك
غنوة الفرحة فى عيونك
واجدع ولاد المصراوية
" الفاجومى" ابن ازبس الوفية
عاش فقير ومات شريف بالجلابية
ذنبة اية انة فى غرامك كان قضية يابهية
ختى عينة ختى قلبة
وطرحتك مليانة دمة من سجون الظلم المفترية
لو كان عم " نجم " بايدة كان يمتلك الف مرة
لجل ما يعيش الغلابة والايادى تبقى حرة
يابهية صنف عشاقك هما هما صنف بيموتوا وفى قلوبهم حلم امة

اصلهم مش ديابة نامين فى حضك بتنهش الكلمة وترخص الهمة
اصل الجدع جدع والجبان جبان
علمنا عم " نجم" نفضل تملى امة على طول الزمان
يابهية لية حترضى انة يحكمك شر البرية
مربين الغل فى صدروهم من الثورة والقوار والقصية ديا
لا لهم دين ولا ملة بيكدبوا عليكى وعليا

ذنبة اية يابهية انك نقطة الضعف اللى فية واللى فيا


يابهية فين حيطان الستر وغناوى عم " نجم " و الصهبجية
واللى على دفة لجامك بيشتم وعلى المجداف حثالة البشرية
نجم مات حتك منك روحة لمصر هدية ،،، يابهية
رحم اللة اخى وصديقى وحبيبى
احمد فؤاد نجم