طقاطيق مرفوسة – على الواقع وأيامه- طقطوقة 5

محمد طلعت
2012 / 11 / 17


الدم فى مصر مجانا بلا ثمن، فمن يبيعه بسعر غالى ويقبض الثمن؟!

فى الأيام القادمة ربما يرفع شعر الدم المصري للبيع..

ألا أونة ألا دو ألا ترية مين يفتح المزاد يا جدعان..
:
واحد هنا لغزة

اتنين هنا فى سوريا

ثلاثة هنا فى قندهار

مين قال هات تانى.......................

وعاوزينا ندخل حرب ضد اسرائيل ونكسبها..؟!

طب ازاى وإعلامنا معندوش دم ولا حياء.. ومش صاحب قراره ولا عنده سيادة ولا حيادية.. لسه بيشتغل بمفهوم العبد والخادم اللى مستنى أشارة من سيده اللى فى القصر.

الأطفال اللى ماتو دول مش يستاهلوا زيارة من رئيس الحكومة لاهاليهم ودفع فاتورة موتهم وتشيعهم بما يليق كشهداء خطأ الادارة الحكومية.. طب مش يستاهلوا إن الرئيس المؤمن إمامنا وزعيمنا مرسى إن يتقدم المشيعين ويؤم الاهالى ويصلى بهم صلاة الجنازة على أرواح أطفالهم..!
:
كلى إيمان لو ابن مرسى مات سوف يعلن الإعلام المصرى الحداد ويخرج علينا عمرو اديب تانى ينعى الواد ويقول ياجماعة الرئيس مبارك كان بيحب حفيدة دا كان الولد بيحب جده الرئيس اكتر من الشيوكولاته..
:
آه يا وجعنا وزهرة شبابنا وأطفالنا اللى بيسيح دمهم بلا ثمن وكل احلامهم طبق فول بالزيت الحار